Naskiĝis, studis, militservis, denove studis… k.t.p.
Estas interese ke la unua artikolo, kiun mi legis post la militservo, estis pri Esperanto.
Estis serio de artikoloj- lecionoj skribitaj de Boris Kolker. Tiel komenciĝis mia Esperanto-vivo.
Por ne esti la sola esperantisto en mia urbo  (Ĉimkent, Kazahio) mi aranĝis e-kurson en Pedagogia altlernejo kie mi laboris kiel muzikband-gvidanto. Tiel aperis mia unua
E- bando, Kredo. Nataŝa kaj mi estas "restaĵoj" de la bando. Kiel e-dueto ni ekzistas
dum jam multaj jaroj (ĉu de 1987). Mi ankaû partoprenis multajn eks-sovetiajn e-aranĝojn kiel sola artisto.

Nataŝa kaj mi estas geedzoj kaj ni havas filinon, Karina, kiu naskiĝis vintre 1995.
Esperas ke ni iam kantos triope. Hejme ni parolas ruse, ekstere - svede. Krom la Esperanto kaj kantado mi ankaû ŝatas ĝiu-ĝutsun (japana luktarto) kiun mi trejnis dum pluraj jaroj ĝis ricevo de la bruna zono. Do, mi daŭre havas kaj intereson ka la zonon,
sed, bedaŭrinde - ne tempon :)) Legado kaj biciklado estas aliaj miaj interesoj.

De la 1991 mi loĝas en Stokholmo, Svedio. Ĉi tie mi ricevis ankoraû du novajn profesiojn; webdesign kaj sonregistrado (ĉe SAE). Ambaŭ ilin mi flite uzas private, laborante tamen kiel gitarinstruisto por lernantoj ĉe unu stokholma privatlernejo.
En Kazahio restis miaj patrino kaj unu fratino.